ඔබේ හුස්ම ගලන්නේ
මගේ හෘද කුහර තුලින් ය
ඔබේ සුවඳ රැඳෙන්නේ
මගේ මනස ගැඹුරේ ය.
ඔබේ දෑස් කාන්තියෙන්
මගේ දෑස් එලිය වන්නේ ය
ඔබේ සිනහවෙන්
මට ද සිනහව සිහිවන්නේ ය
ඔබේ වදනින්
මගේ සිත සැනසෙන්නේ ය
ඔබේ රුවෙන්
මගේ සිත කම්පිත වන්නේ ය
ඔබේ ආදරයෙන්
මගේ ලෝකය පිරෙන්නේ ය.
ඔබේ සතුට
මට ජීවය ගෙනෙන්නේ ය.
සියල්ලම වූ ඔබ
මගේ ජීවිතය වන්නේ ය.
මා යනුවෙන් ලොවෙහි
කොතැනක හෝ
ස්කන්ධයක් වේ ද,
ඒ ඔබ ය.
ඔබම පමණක් ය.
~S
2026/01/28
No comments:
Post a Comment